Новинарите кои „зеле акции во транзицијата“ немаат право ни да се бранат – какво е тоа „новинарство“?!

Рецензија: Кој се новинарите кои зеле акции во транзицијата?Линк до оригиналниот напис: Кој се новинарите кои зеле акции во транзицијата?

Датум и време на објавување: 23.05.2013, 10:34:32

Датум на рецензирање: 28.05.2013

Рецензент: Биљана Илиќ

Вистинитост: Факт е дека написот на Нетпрес цитира наводи на новинарите Миленко Неделковски и Дарко Јаневски, во обид да ги „открие“ новинарите кои „зеле акции во транзицијата“.

Но, факт е дека не може да се потврди точноста и веродостојноста на наводите во тие изјави, бидејќи не се поткрепени со никакви толкувања и докази.

Извори на информации: Изворите што ги користи авторот на написот се апсолутно нерелевантни. Новинарите Дарко Јаневски и Миленко Неделковски (вториот спомнува конкретни имиња на „новинари“, кои наводно зеле акции во транзициските претпријатија) се нерелевантни извори и не располагаат со елементарни информации за она што го зборуваат.

Текстот спомнува дека „еден од посочените новинари“ демантирал дека имал акции, но наместо да се цитира неговата изјава, се цитира навредлива реплика од страна на Неделковски. Со сигурност знаеме дека авторот на текстот му се јавил уште на еден од засегнатите новинари, побарал и добил изјава, но редакцијата наводно одлучила неговата изјава да не се објави, бидејќи новинарот во текстот бил спомнат по неговиот прекар?!

Содржајност: Со манипулирање со изворите, написот, очигледно смислено и намерно, ги прикрива изјавите на некои од посочените новинари, кои уверливо ги демантираат тврдењата дека зеле акции од некои компании во периодот на транзицијата.

Пристрасност: Засега е сигурно дека барем во одделни случаи на посочените лица, се пласирани комплетни лаги, дека поседуваат акции во некои компании. Овие лаги не се демантирани, дури и откако авторот побарал и добил резолутни деманти од засегнатите.

Клучниот спин е содржан во лидот на текстот, во тврдењето дека:

„На десетина новинари наводно им биле дадени акции од големи и профитабилни компании за време на приватизацијата на општествениот капитал во Македонија со цел да се купи нивното молчење во однос на неправилностите во текот на отуѓувањето на овие компании“.

Авторот се приклонува кон кампањата што ја повела новинарката Мирка Велиновска, која тие „десеттина новинари“ ги нарекува „новинарска мафија“ и се обидува да ги дискредитира од очигледни политички причини – најголемиот дел од нив се критичари на актуелната власт.

Квалитет на насловот: Сензационалистичкиот напис, природно, е придружен со сензационален наслов, кој го упатува читателот на тоа дека во текстот ќе најде конкретни информации за тоа кои се „новинарите акционери“.

Фотографија: Написот е придружен со две фотографии – една банална илустрација и фотографија од хушкачкиот пост на Миленко, како „доказ“ (манипулација) за наводната автентичност и вистинитост на „откритијата“.

Говор на омраза: Целта на написот, во кој се презема говорот на омраза од постот на Неделковски, е да се дискредитираат новинарите (и интелектуалците) од неговиот список.

Дополнително, доколку некои од лицата од тој список навистина поседуваат акции во компании, купени на легален начин (да било поинаку, веројатно тоа ќе било предмет на кривичен прогон), тие луѓе се дискриминираат по социјална основа – секој граѓанин на Република Македонија има право да поседува акции и тоа не е никаков криминал.

Заклучок: Со зачудувачка леснотија и вознемирувачка некоректност кон засегнатите лица, написот на Нетпрес партиципира во акцијата на неколку провладини новинари за дискредитирање на десеттина македонски новинари и интелектуалци, означени како „новинарска мафија“.

Во таа харанга, засега, наместо докази и аргументи, доминира говорот на омраза.

Рецензија: Кој се новинарите кои зеле акции во транзицијата?

 


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

Коментари

Коментарите ќе бидат модерирани според правилата за коментирање и нема да се толерираат навреди, клевети или говор на омраза.

Еден коментар на “Рецензија: Кој се новинарите кои зеле акции во транзицијата?”

  1. Miro on мај 30th, 2013 12:21 pm

    Da ne dolzime mnogu!
    Pod “Пристрасност:” vo tocniot citat od deloto koe e kako predmet na vashava recenzija pomegju drugoto stoi i zborot “navodno” koj znaci = “allegedly”=According to what has been “alleged”=Adjective(of an incident or a person) Said, without proof, to have taken place or to have a specified illegal or undesirable quality.
    Shto vo prevod znaci, dokolku go zememe klucniot zbor “without proof”, deka avtorot priznava deka nema dokaz. Dokolku vashata cel da kazete deka ima osnovan somnez za kleveta, tuka nemate ingerencii bideki za toa se zadolzeni sudovite vo RM, i toa edinstven nacin da se utvrdi vinata na avtorite na tekstot vo odnos na somnezot za kleveta.
    Od druga strana vie, od samiot pocetok donesuvate zaklucoci, od “korektnost” proprateni so prashalnik, kolku da sozdadete slika deka “navodno”=(citaj pogore) i vie se prashuvate dali vashata prvicna recenica e vistinita! Ponatamu poveke pati go koristite istiot zbor “navodno”=(citaj pogore) no sepak so dovolno arogancija naveduvate deka vashite naodi i mislenja se bazirani na fakti, a textot na vashite kolegi gi karakterizirate so zborovi kako “smisleno, namerno, spin, lagi, od ocigledni politicki pricni i sl”, shto ja pokazuva vashata pozicija vo opshestveniot i profesionalen poredok, iv o isto vreme gi gazite osnovnite principi koi ne ubeduvate deka gi branite!
    Sekako e primetliva i ocigledna vashata naklonetost i bliskost so del so spomnatite NAVODNI “novinari Mafijashi” bideki tvrdite so “sigurnost” deka bile kontaktirani od novinarite i dale demanti, no za zal, vo celata vasha profesionalnost, zaboravivte na nam citatelite da ni prilozite dokaz deka toa e navistina taka…pa zoshto da vi veruvame?
    Za da sudite i cenite, treba da ste podobri od onie koishto se predmet, taka da Velinovska, Nedelkovski i Janevski barem ja imaat taa moralna satisfakcija na svoja strana, koja na vas ocigledno vi fali!

    PS (ovoj del imate soglasnost id a go isfrlite od tehstot koj ke bide objaven)
    Bideki se somnevam deka mojov comentar ke bide objaven, vednash ke go ispratam in a trite spomenati novinari, sekako i od drugi pricini megju koi bi bila i onaa koja ke go demantira vasheto tvrdenje vo naslovot, a toa e deka vo Makedonija nema sloboda vo novinarstvoto i vo govorot, so toa shto ke vi pokazam deka eden najobicen gragjanin ima na raspolaganje mnogu nacini da si go iskaze stavot i mislenjeto!

Одговори