zaev_osuden_danok-00998877-crop-resize

Текстот станува интересен за рецензирање уште од насловот, поради тоа што во него не е јасно издвоено дека не станува збор за лидерот на СДСМ, Зоран Заев, туку за негов роднина (трет братучед). Оттука читателот добива погрешно пренасочување на вниманието, односно насловот „залажува“ дека станува збор за друго лице, односно за претседателот на СДСМ. Новинарот можел да разграничи и да допрецизира на кого се однесува пресудата. Понатаму, интересно е да се забележи дека оваа вест се презентира во предизборен период, а пресудата е изречена пред 5 месеци.

74Линк до оригиналниот напис: ФОТО/ВИДЕО: Заев осуден за затајување данок

Датум и време на објавување: 21.02.2014, 12:04

Датум на рецензирање: 24.02.2014

Рецензент: Мирослава Бурнс

Вистинитост: Документот, односно судската пресуда е изречена од првостепен орган. Со други зборови, од она што е презентирано во текстот, таа не е правосилна и не се наведува дали воопшто лицето продолжило со жалбена постапка пред второстепениот суд. Документот што е презентиран е веродостоен, но мотивот за објавување на оваа вест со неколкумесечно задоцнување може да се толкува на различни, предизборни начини.

Извори на информации: Изворите се документите, односно пресудата од првостепениот суд.

Содржајност: Недостасува изјава од инволвираните, односно новинарот не се потрудил да дознае како оваа приказна завршила. На читателот не му е презентирана „втората страна“, односно не се консултирани за изјава сите инволвирани во приказната. Дали има некакво продолжение пред Апелациониот суд?

Пристрасност: Текстот остава впечаток дека е објавен во конкретното време, (пред избори) поради политичка пристрасност, односно како антикампања на Заев.

Коментирање: Коментарот за висината на казната сугерира дека авторот заговара таа да биде повисока. Всушност, казната не е никаква енигма и е наведена во пресудата, иако новинарот го тврди спротивното.

Она што зачудува и останува енигма е висината на сумата со која Бобан Заев е казнет.

Оригиналност/Плагијат: Текстот е оригинално создаден во редакција.

Квалитет на насловот: Насловот залажува и наведува на погрешно толкување дека, всушност, станува збор за лидерот на СДСМ, Зоран Заев, бидејќи тој е најекспониран и е јавна личност. Всушност, во насловот можело да се интервенира и да се наведе и името на братучедот на Зоран Заев за да се избегне било какво недоразбирање, ако намерата на медиумот не била дискредитирање на лидерот на опозицијата. 

Заклучок: Направена е конструкција за да се заклучи дека лидерот на СДСМ, Зоран Заев, е осуден, што е погрешната слика која ќе ја добијат оние што ќе го прочитаат само насловот. Во текстот не се консултирани оние за кои се пишува и не е направен обид да се провери како завршила судската постапка, односно дали имало жалба до апелациониот суд. Понатаму, во финишот на приказната е направен обид да се дискредитира Зоран Заев како човек кој не ја говорел вистината, без да се земе изјава од ниту еден од инволвираните. Политичката пристрасност е сосема можно образложение за овој текст со оглед на тоа што братучедот на Заев не е јавна личност, а и времето кога е донесена пресудата, за новинарското мерење на времето е „античка“, односно престара за да биде третирана како вест. Во насловот е направена манипулација, од која се добива впечаток дека станува збор за видео на кое корисникот ќе го види Заев во судница.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВистинитост

има факти

делумно

веродостојни наводи

infoVistinitostИзвори на информации

има евидентирани извори

официјални

релевантни

1 извор

еднострани

infoVistinitostСодржајност

несеопфатнo

прикриени информации

infoVistinitostПристрасност

не може да се утврди

извртување на вистина (спин)

не може да се утврди

наклонетост

политичка пристрасност

infoVistinitostКоментирање

има коментаторски елементи

интегрирано со фактите

infoVistinitostПлагијат

оригинално дело

ненаведен автор

infoVistinitostКвалитет на насловот

дезинформира

некреативен

сензационален

несоодветен

тенденциозен

infoVistinitostФотографија

има

соодветна

информира

ненаведен автор(извор)

infoVistinitostГовор на омраза

нема говор на омраза

не потикнува на насилство

не дискриминира

infoVistinitostУреден за веб

читлив

нема мултимедијални елементи

нема контекстуални линкови

делумно стилски уреден

неповрзан со тагови

Коментари

Коментарите ќе бидат модерирани според правилата за коментирање и нема да се толерираат навреди, клевети или говор на омраза.

Одговори