Овој напис го има и на: Албански

Бездомни кучиња спасиле паднат човек на паркинг-CROP-RESIZE

Основната причина поради која се решивме да го рецензираме овој текст е аголот на приказната и нејзината необичност, а во исто време едноставност. Човечката димензија во новинарските текстови, особено кога се третираат теми од општествениот живот кои ретко се пишуваат надвор од шаблонот, веднаш паѓа во очи и им дава на сториите веродостојност. Човечката димензија ја прави оваа сторија интересна за читање и го моделира јавното мислење суптилно и аргументирано. Таа на „герилски“ начин влијае врз јавното мислење, при што се претставува агол и страна на приказната која ретко е застапена. Во секој случај, за пофалба.

Бездомни кучиња спасиле паднат човек на паркингЛинк до оригиналниот напис: Бездомни кучиња спасиле паднат човек на паркинг

Датум и време на објавување: 14.04.2014

Датум на рецензирање: 18.04.2014

Рецензент: Мирослава Бурнс

 

ПРИКАЗНИТЕ СО ЧОВЕЧКА ДИМЕНЗИЈА СЕ ЕФЕКТНИ

Авторот разговарал со инволвирани во случајот, што е евидентно од посочените извори, кои даваат сведочења. Има директни цитати и изворите се посочени и со генералии што дополнително ѝ дава на тежина на приказната.

– Ова се случуваше некаде кај 22 часот. Kучињата лаеја дваесетина минути без престан, а сите одозгора гледавме, но не сфаќавме што се случува. Еден сосед се симна и, што да види, човек лежи и бара помош. Соседите повикаа полиција и брза помош и го однесоа. А кучињата, како да беа задоволни што завршиле добра работа и легнаа да се одморат на тревникот – вели Татјана Чуновска, станарка од Kапиштец и активистка за правата на животните.

Уверливо се дава до знаење дека настанот за кој се известува се случил, но она што уште повеќе ја прави сторијата интересна е фактот што се зазема поинаков агол на медиумско третирање на проблематиката со бездомни кучиња. Во однос на содржајноста, проблематиката се третира од повеќе различни аспекти и се посочуваат информации што можат сеопфатно да го информираат читателот за идните правни дејствија во врска со бездомните кучиња. Техниката е едноставна, но многу ефективна. Се оди од конкретен пример и поединечен случај каде кучиња спасуваат живот на граѓанин за да се информира за поширокиот аспект на регулација:

Новина во одлуката е што ќе се воведе категоријата „старател на бездомни животни“, која се однесува на оние граѓани што во своите маала чуваат и хранат улични кучиња. Пријавувањето за старател ќе донесе одговорност и обврски за граѓаните што ќе го прифатат новиот статус. Ако некое маалско куче гризне или нападне некого, одговорноста ќе падне врз грбот на старателот, а не врз градската власт, како што е во моментов. Но, старателството ќе значи дека шинтерите од Вардариште не ќе можат да го уловат кучето.

Станува збор за авторски, оригинален напис. Насловот е информативен и концизен.

Сѐ на сѐ, за пофалба е инаквиот агол кој се зазема во приказната, консултирањето на изворите кои се наведени прецизно и опширноста на понудените информации. Улогата на новинарите да известуваат за општествените случувања, но и за темите за кои се наметнати дилеми во јавниот дискурс, од поинаков агол, е доблесно и наидува на препознавање. Новинарот во случајов е тнр. „агенда сетер“ (ја поставува агендата и насочува јавната дебата по ова прашање), без разлика на тоа колку безначајна изгледа одбраната тема.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВистинитост

има факти

точни наводи

веродостојни наводи

infoVistinitostИзвори на информации

има евидентирани извори

официјални

релевантни

1 извор

infoVistinitostСодржајност

сеопфатнo

нема прикриени информации

infoVistinitostПристрасност

нема извртување на вистина (спин)

нема лажни информации

не аплиактивно

infoVistinitostКоментирање

нема коментаторски елементи

infoVistinitostПлагијат

оригинално дело

наведен автор

infoVistinitostКвалитет на насловот

информира

несензационален

соодветен

јасен

infoVistinitostФотографија

има

соодветна

ни манипулира ни информира – ставена е само како илустрација

ненаведен автор(извор)

infoVistinitostГовор на омраза

нема навредлив говор

нема говор на омраза

не потикнува на насилство

не дискриминира

infoVistinitostУреден за веб

читлив

солидни мултимедијални елементи

нема контекстуални линкови

делумно стилски уреден

неповрзан со тагови

Коментари

Коментарите ќе бидат модерирани според правилата за коментирање и нема да се толерираат навреди, клевети или говор на омраза.

Одговори