Овој напис го има и на: АлбанскиКАНАЛ-5-Телевизија1-0987-098-crop-resize

Кој брза – тој и греши. Но, кој не си ги поправа грешките од брзањето, ја дезинформира публиката. Оваа „равенка“ некогаш доведува до комични ситуации, па, така, насловот и поднасловот тврдат едно, а подолу во текстот стојат други информации. А, се работи за текст од „цели“ две реченици.

КАНАЛ 5   ТелевизијаЛинк до оригиналниот напис: Маскирани разбојници го однесоа дневниот промет од обложувалница „Спорт Лајф“, во Ѓ. Петров

Датум и време на објавување: 26.08.2014

Датум на рецензирање: 27.08.2014

Рецензент: Стојан Синадинов

Навистина, што е вистината во овој текст? Најпрвин во насловот и поднасловот текстот категорично тврди дека е ограбен дневниот промет од една обложуалница:

„Две маскирани и вооружени лица од вработениот во спортската обложувалница Спорт Лајф на ул. Ѓорче Петров го одзеле целиот дневен промет.“

Текстот се повикува на извори од МВР, со стандардни информации за местото и времето на настанот. Но, веднаш се забележува дека институцијата посочува дека се работи за пријава за кражба, што не е исто што и оперативно сознание:

„МВР информира дека на 25.08.2014 година во 22,10 часот во Скопје на ул.„Ѓорче Петров“ пријавено е дека во спортската обложувалница „Спорт Лајф“, две лица маскирани и вооружени со огнено оружје-пиштол, извршиле разбојништво над вработениот М.М.(29) од Скопје при што одзеле околу 275.000 денари од дневниот промет.“

Не е јасно дали овој текст е обновен, бидејќи никаде не стои назнака за тоа, но веќе во втората реченица си ги демантира насловот и подналовот:

„По преземени мерки и обавениот разговор со пријавителот, утврдено е дека се работи за лажно пријавување. По целосно документирање на случајот ќе биде поднесен соодветен поднесок.“

Така, дури и при просто преземање на веста од полицискиот билтен, текстот „успеал“ целосно да ја изврти вистината.

Во тоа, секако, предничи тенденциозниот наслов, кој создава забуна кај читателите.

Во тој стил е и фотографијата, која манипулира дека е преземена од евентуалните сигурносни камери во објектот каде што се случил настанот. Ако по преземените истражни мерки е утврдено дека се работи за лажно пријавување, од каде тогаш фотографија со двајца маскирани крадци?

Веќе во првиот став од Кодексот на новинарите на ЗНМ стои:

„Новинарот треба да објавува точни, проверени информации и нема да прикрива суштински податоци и да фалсификува документи.

До колку информацијата не може да се потврди, или станува збор за претпоставка, односно шпекулација, тоа треба да се каже и да се објави.

Точноста на информацијата треба да се провери колку што е тоа можно.“

Во времето на „брзите“ информации на интернет, читателите и не се задржуваат на веста повеќе од насловот и поднасловот, евентуално лидот на текстот. Уште помалку имаат време – и желба и трпение – да анализираат дали е точна првата или втората реченица, кои го сочинуваат целиот текст.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВистинитост

има факти

точни наводи

веродостојни наводи

infoVistinitostИзвори на информации

има евидентирани извори

официјални

релевантни

1 извор

еднострани

infoVistinitostСодржајност

сеопфатнo

нема прикриени информации

infoVistinitostПристрасност

целосно прикажува вистина

извртување на вистина (спин)

лажни информации

балансираност

infoVistinitostКоментирање

нема коментаторски елементи

infoVistinitostПлагијат

целосна копија

наведен извор без линк

infoVistinitostКвалитет на насловот

дезинформира

некреативен

сензационален

несоодветен

тенденциозен

infoVistinitostФотографија

има

несоодветна

манипулира

ненаведен автор(извор)

infoVistinitostГовор на омраза

нема навредлив говор

нема говор на омраза

не потикнува на насилство

не дискриминира

infoVistinitostУреден за веб

читлив

неквалитетни мултимедијални елементи

нема контекстуални линкови

делумно стилски уреден

неповрзан со тагови

Коментари

Коментарите ќе бидат модерирани според правилата за коментирање и нема да се толерираат навреди, клевети или говор на омраза.

Одговори