08272014-Press24-Oglas-MVR-crop-resize

[Рецензија: Барате работа? – вработете се во македонското МВР]

Еден од основните, темелни принципи на слободното, неутрално новинарство, е дека ќе биде „куче чувар“, контролор на власта, зашто било која власт да го има мандатот, да управува во одреден период, го добила од народот и дека новинарите се тие кои во името на народот ќе бараат отчет и одговорност за политиките за кои некој добил одобрување да „владее“.

Тоа е толку важна улога на новинарите и медиумите, што дури е наведено во преамбулата на новинарскиот „устав“ – Кодексот на новинарите:

„… новинарите … ќе придонесуваат за јакнење на правната држава и во контролата на власта и на другите субјекти од јавниот живот.“

Но, како да му верувате на некој медиум дека го прави тоа кога тој медиум спонзорира владини огласи?!? Тоа е прашањето што си го поставува и нашиот читател на Сервисот за проверка на фактите од медиумите (СПФМ) и ни го предложи овој текст за рецензија.

08272014-Press24-Oglas-MVRЛинк до оригиналниот напис: Барате работа? – вработете се во македонското МВР

Датум и време на објавување: 27.08.2014, 09:39

Датум на рецензирање: 29.08.2014

Рецензент: Зоран Бојаровски

Како прво, веднаш да кажеме дека рецензираме НЕновинарски текст, или: оглас кој ни се „продава“ како новинарски во рубрика „Бизнис“.

Два клучни члена, кои ја одредуваат и чуваат неутралната позиција на новинарството, се повредени во случајот на овој „текст“: членот 6 и членот 14.

Членот 6 во сите негови ставови е многу, многу јасен и навистина кога ќе ги поврзете нив со објавениот текст, не е потребно никаков дополнителен коментар. Се’ е толку јасно и очевидно:

„Новинарот не смее да го користи медиумот за објавување или прикривање информации за стекнување лична корист.

Митото, корупцијата и изнудувањето се неспојливи со новинарската професија.

Не смее да се дозволи рекламирањето и другите комерцијални мотиви да влијаат врз слободата на информирањето.

Треба да постои разграничување меѓу рекламирањето и новинарскиот текст со илустрацијата.“

Членот 14, пак, укажува на уште едно, многу суштествено нарушување на професионалното работење на новинарите:

„Известувањето од политичките процеси, посебно од изборите треба да биде непристрасно и избалансирано.

Новинарот мора да обезбеди професионална дистанца од политичките субјекти.“

Каква непристрасност, избалансираност и дистанца може да се поврзе со медиум кој на една државна институција ѝ прави ваква услуга – спонзорира оглас?

А, не е дека е невозможно да се извлече тема од некој оглас на државна институција. Барем на тој начин медиумот да ја покрил својата „услуга“: од секој оглас може да се напише новинарски текст. Можело да се срочи нешто како „проширување и надградба“ на капацитетите на државната институција, дека органот сака „да направи разлика“ и да го подобри работењето и капацитетите, дека ги поканува невработените „да се осмелат и да го направат првиот чекор“… Многу работи можеле да се направат, а да не биде голо објавување на оглас во рубрика „Бизнис“???

А, насловот, пак, е врвот на услугата!!!


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВистинитост

има факти

точни наводи

веродостојни наводи

infoVistinitostИзвори на информации

има евидентирани извори

официјални

релевантни

1 извор

еднострани

infoVistinitostСодржајност

несеопфатнo

можеби се прикриени информации

infoVistinitostПристрасност

целосно прикажува вистина

нема извртување на вистина (спин)

нема лажни информации

наклонетост

политичка пристрасност

infoVistinitostКоментирање

нема коментаторски елементи

infoVistinitostПлагијат

целосна копија

ненаведен автор

infoVistinitostКвалитет на насловот

информира

услужен, спонзорски

соодветен

јасен

infoVistinitostФотографија

има

несоодветна

ни манипулира ни информира – ставена е само како илустрација

ненаведен автор(извор)

infoVistinitostГовор на омраза

нема навредлив говор

нема говор на омраза

не потикнува на насилство

не дискриминира

infoVistinitostУреден за веб

средно читлив

неквалитетни мултимедијални елементи

нема контекстуални линкови

делумно стилски уреден

неповрзан со тагови

Коментари

Коментарите ќе бидат модерирани според правилата за коментирање и нема да се толерираат навреди, клевети или говор на омраза.

Еден коментар на “Медиум спонзорира владина институција со квазиновинарски текст”

  1. mycourthouse.zendesk.com on септември 2nd, 2014 8:46 am

    mycourthouse.zendesk.com

    Проверка на факти од медиумите

Одговори