maxim_mk_so-ovoj-status-na-fejsbuk-sergej-varoshlija-ja-shokirashe-javnosta-crop-resize

Кусата вест што ја рецензираме делува  збунувачки.  Се состои  само од две реченици, озаглавена е со наслов: „Со овој статус на Фејсбук Сергеј Варошлија ја шокираше јавноста“, а како илустрација е употребен скриншот од постот на актерот Тони Михајловски! Така што, читателите не може да разберат каква „шокантна“ објава имал на Фејсбук познатиот стилист.

maxim_mk_so-ovoj-status-na-fejsbuk-sergej-varoshlija-ja-shokirashe-javnostaЛинк до оригиналниот напис: Со овој статус на Фејсбук Сергеј Варошлија ја шокираше јавноста

Датум и време на објавување: 24.08.2014, 14:07

Датум на рецензирање: 27.08.2014

Рецензент: Оливера Војновска

 

ЛОШО ПРЕПИШАНА ВЕСТ

Како единствен извор на информации е посочен  статус на Фејсбук. Намерата на медиумот веројатно била да информира дека стилистот преку својот ФБ профил им испратил порака на оние кои, наводно, пуштаат гласини дека е болен. Меѓутоа, наместо статусот на Варошлија, прикажана е  Фејсбук – пораката на Михајловски до оние кои го прифатија „ледениот предизвик“ да се полеваат со кофа вода.

Но, како всушност се случила ваквата грешка?

На 24 август повеќе медиуми, некои порано – некои подоцна во текот на денот, ги објавија фото- вестите за статусите на Варошлија и на Михајловски. Во конкретниот случај, порталот во 14,07 часот го објави текстот што го рецензираме, а три минути претходно, односно во 14,04 часот ја пласираше веста за постот на Михајловски со наслов: „Тони Михајловски на Фејсбук ги „утепа” оние кои се полеваат со ледена вода“.

Час и половина, пак, претходно вести со идентични наслови беа пласирани на еден друг медиум. И тоа, веста со наслов: „Со овој статус на Фејсбук Сергеј Варошлија ја шокираше јавноста“ (според агрегаторот Дејли),  е објавена  во 12, 38 часот, а написот насловен: „Тони Михајловски на Фејсбук ги „утепа” оние кои се полеваат со ледена вода“,  во 12, 35 часот.

Па, како што може да се забележи, веројатно двете вести се преземени од истиот портал и во брзањето не е сменета илустрацијата, односно скриншотот  од Фејсбук-профилот на Михајловски со оној од статусот на Варошлија.  Што укажува на тоа дека пред нас имаме една лошо препишана вест.

И, како што со право забележува читателката на чиј предлог го рецензираме написот: „Кога се краде и препишува, дури не се гледа дали текстот одговара со фотографијата. Битно, да се пласира информацијата!“.

Настрана тоа што  „Фејсбук не е простор за новинарско самопослужување“ , како што впрочем е посочено во новинарската лекција  објавена на страниците на Сервисот за проверка на факти од медиумите.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВистинитост

има факти

не може да се утврди точноста на наводите

не може да се утврди веродостојноста на наводите

infoVistinitostИзвори на информации

има евидентирани извори

неофицијални

1 извор

еднострани

infoVistinitostСодржајност

несеопфатнo

можеби се прикриени информации

infoVistinitostПристрасност

не може да се утврди

не може да се утврди

нема лажни информации

не аплиактивно

infoVistinitostКоментирање

нема коментаторски елементи

infoVistinitostПлагијат

целосна копија

ненаведен автор, ненаведен извор

infoVistinitostКвалитет на насловот

не информира

некреативен

сензационален

несоодветен

нејасен

infoVistinitostФотографија

има

несоодветна

ни манипулира ни информира – ставена е само како илустрација

ненаведен автор(извор)

infoVistinitostГовор на омраза

нема навредлив говор

нема говор на омраза

не потикнува на насилство

не дискриминира

infoVistinitostУреден за веб

средно читлив

нема мултимедијални елементи

нема контекстуални линкови

делумно стилски уреден

неповрзан со тагови

Коментари

Коментарите ќе бидат модерирани според правилата за коментирање и нема да се толерираат навреди, клевети или говор на омраза.

Одговори